Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai

Rokar Pukari Nana Aay Faryad Laaie Hoon,

Mai Choor Kar Hussain Ku Jungal Main Aaie Hoon

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Ajeeb Saanahai Ham Par Guzar Gaya

Ranj-O-Alam Ne Gher Liyaa Hum Jidhar Gaye

Nana Khudaa Kai Ghar Mai Na Hum Ku Amaan Mili

Bhaaie Ne Shahar Choor Ke Jangal Ki Raah Li

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Hamain Na Chain Mayassar Kahain Huwa

Paani Bhi Bandh Hum Pai Layenoon Nai Kardiya

Nana Tumhari Aal Pai Kya Kya Sitam Huwai

Bachai Tarap Kai Mar Gaye Paani Kai Waastai

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Shaheed Ho Gaye Bhayee Kai Jaannisar

Ek Ek Kar Kai Mar Gaye Ashab-E-Zee Waqar

Nana Bala Kai Ban Main Qayamat Ka Run Para

Bhayee Sai Bhayee Baap Sai Beta Bichar Gaya

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Zameene Karbobalaa Laa Hogayi

Qasim Ki Laash Ghooron Se Paamaal Hogayi

Nana Kataa Ke Shanon Ku Abbas Margaye

Ghurbat Me Bhaaijaan Ko Be Aas Kargaye

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Tumhari Shakl Ka Farzand Ek Jo Tha

Khaa Kar Sina Jigar Mai Wo Mehru Bhi Chal Basa

Nana Shaqi Ki Teer Se Asgar Huwa Shaheed

Aisa Huwa Na Hoga Jahaan Main Sitam Shadeed

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Hussain Bai Kas-O-Bai Yaar Hogaie

Aamada Qatl Karnai Ku Kuffar Hogaie

Tarpai Jo Zer Khanjare Bai Aab Shahai Deen

Shimre Layeen Kai Zulm Sai Thar Ra Gaye Zameen

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Hamare Ghar Ka Sab Asbab Lut Gaya

Nana Hamare Sar Pe Na Baqi Rahee Rida

Nana Hazaar Tarha Jafa Ki Layeeno Ne

Khaimo Mai Aag Lagaadi Laeeno Ne

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Huwi Aseer Tumhaari Nawasiyaan

Kauno Makaan Main Chaa Gayi Gham Ki Udaasiyaan

Nana Haram Hussain Kai Bazaar Main Gaye

Hum Sar Barehna Kufe Ke Darbar Main Gaye

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Tumhaari Aal Gayi Mulke Shaam Mai

Pohnchi Ali Ki Betiyaan Darbaare Aam Mai

Nana Haqeer Sahebbe Tatheer Hogaye

Ham Log Shehr Shaam Main Tash-Heer Hogaye

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Aseer Bara Thai Hum Ek Thi Rasan

Baandhe Gaye Thai Misle Gunaahgaar-E-Khastatan

Nana Hum Apne Haal Pe Rote Thai Zaar Zaar

Nana Hamaare Roonai Pe Haste Thai Badshaiaar

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nana Ajeeb Haal Hamaaraa Tha Us Ghadi

Ek Bibi Pichhe Dusri Bibi Kai Chupti Thi

Us Wakt Thar Thari Si Merai Tan Main Par Gayi

Sad Haif Hai Zammen Main Zainab Na Ghar Gayi

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Itne Me Ek Shaami Nai Nana Ghzab Kiya

Saidani Ku Kaneezi Main Apni Talab Kiya

Hoti Thi Laakh Zillaten Hum Dekhte Rahe

Hans Hans Ke Taaziyaane Sitam Jhelte Rahe

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Nanaa Tabaah Hoke Ham Aaye Hain Shaam Se

Ek Daaghe Nau Sakina Ka Laaye Hai Shaam Se

Nana Hamare Tan Pe Nishaano Ko Dekh Lo

Ab Tak Hai Neel Rassi Ke Shaanon Ko Dekh Lo

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai



Zainab Dekha Kai Shanoon Ku Jab Karrahi Thi Bayaan

Tharaa Rahaa Tha Rouzae Sultaane Mashraqain

Bas Khatm Kar Nashar Ye Ghamnaak Daastaan

Rotai Hain Is Alam Main Zameen Aur Aasmaan

Roze Pe Mustafa Ke Udasee Si Chaaie Hai,

Kunbe Ku Khoke Zainabe Nashaad Aaie Hai